राजमुद्रा : गेल्या काही दिवसांपासून महाराष्ट्रातील राजकारणात मोठे बदल होण्याचे संकेत मिळत आहेत..नुकत्याच झालेल्या महाराष्ट्र विधानसभा निवडणुकीत झालेल्या पराभवानंतर महाविकास आघाडीत बिघाडी होत असताना आता या सर्व घटनांच्या पार्श्वभूमीवर राष्ट्रवादीचे ज्येष्ठ नेते शरद पवार आणि मुख्यमंत्री देवेंद्र फडणवीस यांच्यात फोनवर चर्चा झाली असल्याची माहिती समोर आली आहे.. त्यामुळे या दोन्ही नेत्यांमध्ये नेमकी काय चर्चा झाली? याकडे सर्वांच्या नजरा लागल्या असताना आता ही चर्चा परभणी, बीडसंदर्भात झाल्याचे सांगत महाराष्ट्रातील असलेल्या परिस्थितीबाबत आमच्यात चर्चा झाली असल्याचही शरद पवार यांनी स्पष्ट सांगितलं.. गेल्या काही दिवसांपासून महाराष्ट्रातील वातावरण पाहता महाराष्ट्र शांत ठेवण्याची जबाबदारी सर्वांचीं असल्याच त्यांनी म्हटलं..
या दोन्ही नेत्याबद्दल झालेल्या चर्चेवर बोलताना शरद पवार असे म्हणाले की, ही फक्त फडणवीस यांची जबाबदारी नाही.. बीड आणि परभणी येथील परिस्थिती ही चिंताजनक असून येथील भाग शांत झाला पाहिजे.. आमचे राजकीय विचार जरी वेगळे असले तरी महाराष्ट्र शांत ठेवण्याची जबाबदारी आमच्या सर्वांची असल्याचा त्यांनी म्हटलं… एकट्या मुख्यमंत्र्यांची ती जबाबदारी नाही, असे शरद पवार यांनी सांगितले. दोन्ही नेत्यांमध्ये १५ मिनिटे चर्चा झाली. संकटे येतात मात्र तुम्ही जागृत असताना संकटाच्या काळात लोक सहकार्य आणि साथ देत असतात. गेले काही दिवस अस्वस्थ वातावरण महाराष्ट्रात दिसत आहे ते शांत झालं पाहिजे.. असही शरद पवार यांनी म्हटलं..
बीड जिल्ह्यात समाजात दुफळी दिसत आहे.. त्यामुळे सरकारचा प्रयत्न आहे की,, या भागात शांतता निर्माण झाली पाहिजे आरोपींना कठोर शिक्षा व्हावी हा सरकारचा प्रयत्न आहे असे मुख्यमंत्री यांनी बोलताना सांगितला आहे. मात्र बीड आणि परभणी शांत होण्यासाठी आपण सर्वांनी मिळून प्रयत्न केले पाहिजे असेही शरद पवार यांनी म्हटलं आहे..
