मुक्ताईनगर राजमुद्रा वृत्तसेवा | भारतीय जनता युवा मोर्चा मुक्ताईनगर तालुक्याच्या वतीने ‘भारतीय स्वातंत्र दिन’ निमित्त खासदार संपर्क कार्यालय, मुक्ताईनगर येथे भारत मातेच्या प्रतिमेस पुष्पहार अर्पण करून वंदन करण्यात आले. तसेच तिरंगा ध्वजास मानवंदना देण्यात येऊन, मुक्ताईनगर शहरातील मुख्य रस्त्याने मोटारसायकलवर तिरंगा यात्रा काढण्यात आली. तसेच माजी सैनिक यांचा सत्कार करून गौरविण्यात आले.
यावेळी जेष्ठ कार्यकर्ते व भाजपा जिल्हा उपाध्यक्ष डी.एस.चव्हाण, जि.प.समाजकल्याण सभापती जयपाल बोदडे, नगराध्यक्ष नजमाताई तडवी, तालुकाध्यक्ष प्रफुल्ल जवरे, भाजयुमो तालुकाध्यक्ष अंकुश चौधरी, तालुका सरचिटणीस चंद्रकांत भोलाणे, सचिनभाऊ पाटील, तालुका उपाध्यक्ष कैलासभाऊ वंजारी, रहस्य महाजन, दत्ता जोगी, निलेश दैवे, विजय काठोके, सचिन काळे, राहुल जगताप यांच्या सह समस्त भाजपा तसेचे भाजयुमो पदाधिकारी व कार्यकर्ते उपस्थित होते.
