जळगाव राजमुद्रा दर्पण । धावत्या रेल्वेखाली आल्याने एका व्यक्तीचा मृत्यू झाल्याची घटना जळगाव येते घडली. घटनेप्रकरणी अकस्मात मृत्यूची नोंद करण्यात आली आहे.
याबाबत सविस्तर वृत्त असे की, शहरातील प्रेमनगरजवळच्या लक्ष्मणनगरातील रहिवाशी संजय वसंत खडके (वय 56) हे आज नेहमीप्रमाणे सकाळी फिरायला घराबाहेर पडले होते. सकाळी ७.३० वाजेच्या सुमारास ते रेल्वे पटरी ओलांडत होते. त्याचवेळी रेल्वेगाडी येत आहे हे त्यांच्या लक्षात आले नाही. या रेल्वेखाली आल्याने त्यांचा जागीच मृत्यू झाला. या घटनेची माहिती रेल्वेचे अधिकारी सचिन भावसार यांनी स्थानिक पोलिसांना दिली. त्यांच्या पश्चात पत्नी, आई, एक मुलगा, सून, नातू असा परिवार आहे.
