जळगाव राजमुद्रा वृत्तसेवा | शहरातील राष्ट्रवादीचे नेते व अल्पसंख्याक आघाडीचे प्रदेशाध्यक्ष हाजी गफ्फार मलिक यांचे हृदयविकाराच्या तीव्र झटक्याने दुःखद निधन झाल्याने अनेकांना धक्का बसला आहे. सोशल मीडियाच्या माध्यमातून हाजी गफ्फार मलिक यांच्या दुःखद निधन झाल्याची बातमी वाऱ्यासारखी संपूर्ण जिल्ह्यात पसरले त्यांच्या मृत्यूबाबत सर्वत्र दुःख व्यक्त केले जात आहे.
राष्ट्रवादीचे जिल्हाध्यक्ष ते राज्याच्या अल्पसंख्याक आघाडीचे प्रदेशाध्यक्ष म्हणून त्यांचा राष्ट्रवादीला प्रवास आहे. शरद पवारांच्या सांगण्यावरून रावेर विधानसभा मतदार संघातून त्यांनी निवडणूक लढवली होती अवघ्या काही मतांमुळे त्यांचा पराभव झाला होता जिल्ह्यात राष्ट्रवादी अग्रेसर राहण्यासाठी त्यांचे मोठे योगदान असून पक्षवाढी करीता त्यांनी परिश्रम घेतले राष्ट्रवादीचे सर्वेसर्वा शरद पवार यांचे विश्वासू सहकारी म्हणून त्यांची पक्षात ख्याती होती राष्ट्रवादीच्या पडतीच्या काळात देखील त्यांना अनेक पक्षातून बोलावणी असताना त्यांनी राष्ट्रवादी सोबत निष्ठा राखली ..
