मुंबई राजमुद्रा दर्पण | ‘चला हवा येऊ द्या’ असे म्हणत प्रेक्षकांच्या मनात आपले नाव कोरणारे एक नाव म्हणजे अभिनेता भाऊ कदम. स्वतःच्या विनोदी अभिनयाने फक्त महाराष्ट्रालाच नाही तर संपूर्ण देशाला वेड लावले. कारण, व्यासपीठावर म्हणा किंवा मग एखाद्या कार्यक्रमाच्या माध्यमातून म्हणा, भाऊ प्रेक्षकांसमोर येताच, आता प्रेक्षकांना खळखळून हसवणार याची खात्री पटते.
असा हा भाऊ, प्रेक्षकांसोबतच इतरांनाही आपलासा वाटतो, की ही मंडळी त्याला ‘ओ भाऊ’ म्हणण्याऐवजी मोठ्या आपुलकीने ‘ए भाऊ’ अशी हाक मारत आवाज देतात.
अशा या हक्काच्या भाऊ कदम याच्या कुटुंबावरही प्रेक्षकांचा विशेष जीव आहे. महाराष्ट्राच्या याच लाडक्या कलाकाराच्या कुटुंबात आता एका नव्या पाहुणीची एंट्री झाली आहे.
तिच्या येण्याने भाऊच्या घराचे गोकुळ झाले आहे. त्याच्या मुलींनाही या नव्या पाहुणीच्या आगमनाच्या वेळी अश्रू थांबवता आले नाहीत. अशा या भाऊ कदमच्या घरी आलेली नवी पाहुणी सध्या सोशल मीडियावरही चांगलीच गाजत आहे.
तिचे घरभर फिरणे, तिच्या मागे मागे जाणे, तिच्यावर जिवापाड प्रेम करणे हे पाहता भाऊच्या घरातील प्रत्येक व्यक्तीला तिने लळा लावल्याचे पाहायला मिळत आहे.
आता तुम्ही म्हणाल भाऊच्या या फॅमिलीमध्ये आलेली ही नवी पाहुणी कोण? तर, ही नवी पाहुणी आहे त्यांच्या घरात आलेली आणि सर्वांचे भरभरून प्रेम मिळणारी डफ्फू… अर्थात नवी श्वान डॅफ्नी. भाऊची मुलगी मृण्मयी हिने तिच्या इंस्ताच्या अकाऊंटवरून एक व्हिडिओ शेअर केला आहे त्यात ती डॅफ्नी सोबत दिसते आहे. हा व्हिडीओ सोशल मीडियावर तुफान व्हायरल होतोय, जिथं ही नवी पाहुणी नकळतच सर्वांच्या चेहऱ्यावर हसू आणत आहे. ती ‘डॅफ्नी’चे आपल्या कुटुंबात येण्याचे सर्व क्षण शेअर करताना दिसते. इथे भाऊही या नव्या पाहुणीच्या येण्याने आनंदात दिसत आहे.
