मुंबई राजमुद्रा दर्पण | इंडस्ट्रीमध्ये नेहमीच सेलिब्रिटींच्या वैयक्तिक जीवनाबद्दल कायम चर्चा रंगत असते… झगमगत्या विश्वात कधी कोणाचं नाव कोणासोबत जोडलं जाईल काही सांगता येत नाही. बॉलिवूडची प्रसिद्ध गायिका कनिका कपूर पुन्हा लग्न करणार आहे ही बातमी समोर येते. सध्या कनिकाच्या मेहंदी सोहळ्याचे फोटो सोशल मीडियावर व्हायरल होत आहेत. फोटोंमध्ये कनिका तिच्या आयुष्यातील आनंदाच्या क्षणांचा अनुभव घेताना दिसत आहे.
कनिका 20 मे रोजी पुन्हा नव्या आयुष्याला सुरुवात करणार आहे. कनिका लंडनमधील एनआरआय बॉयफ्रेंड गौतम सोबत आज सप्तपदी घेणार आहे. मेहंदी सोहळ्या दरम्यान कनिका आणि गौतम रोमँटिक होताना दिसले. कनिकाने इन्स्टाग्रामवर फोटो शेअर करत ‘G I Love you sooooo much!’, असे लिहिले आहे.
कनिका कपूरबद्दल बोलायचे झाले तर, तिचे हे दुसरे लग्न आहे. तिचे पहिले लग्न NRI उद्योगपती राज चंडौक यांच्याशी झाले होते. तो लंडनचा रहिवासी होता, पण राज आणि कनिकाने 2012 मध्ये वेगळे होण्याचा निर्णय घेतला. कनिका कपूरला पहिल्या लग्नापासून तीन मुले आहेत.
