जळगांव राजमुद्रा दर्पण | हेडफोन लाऊन रेल्वे रूळ ओलांडताना रेल्वेचा धक्का लागल्याने तरुणीचा जागीच मृत्यू झाल्याची धक्कादायक घटना शिवाजी नगर जवळ घडली.
स्नेहल वैभव उज्जैनकर (वय-१९) रा. धनाजी काळे नगर असे या तरुणीचे नाव असून याप्रकरणी लोहमार्ग पोलीस ठाण्यात अकस्मात मृत्यूची नोंद करण्यात आली आहे. धनाजी काळे नगरात वास्तव्यास असलेली स्नेहल ही एका कॉसमॅटीक दुकानावर नोकरीला आहे. स्नेहलने तिच्या कानात हेडफोन लावलेला होता. नेहमीप्रमाणे सोमवारी २३ मे रोजी रात्री ८.३० वाजता स्नेहल कामावरून घरी पायी जाण्यासाठी निघाली. जळगाव तहसील कार्यालयाजवळून शिवाजी नगरात जाण्यासाठी रेल्वेरूळ क्रॉस करत असतांना भुसावळकडून जळगावकडे येणारी धावत्या सुरत पॅसेंजर गाडीचा जोराचा धक्का लागल्याने स्नेहल जागीच ठार झाली. प्राथमिक तपास लोहमार्ग पोलीस कर्मचारी सचिनकुमार भावसार आणि किशोर पाटील करीत आहे.
घटनेची माहिती मिळताच लोहमार्ग पोलीसांनी तातडीने धाव घेवून मृतदेह जिल्हा शासकीय वैद्यकीय महाविद्यालयात नेण्यात आला. जळगाव लोहमार्ग पोलीस ठाण्यात अकस्मात मृत्यूची नोंद करण्यात आली आहे.
