पाचोरा राजमुद्रा दर्पण | पाचोरा मधील वरसाडे प्र.प्रा येथे रोहयो सेवकाकडून मानधनाच्या धनादेशावरती सही करून देण्याच्या मोबदल्यास ४ हजार रुपयाची लाच घेताना ग्रामसेवकासह सरपंच महिलेच्या पतीला एसीबीने रंगेहात पकडून अटक केली आहे.
काशिनाथ राजधर सोनवणे (वय-52) असे लाच मागणाऱ्या ग्रामसेवकाचे नाव असून शिवदास भुरा राठोड वय ६७ असे वरसाडे प्र.पा.ग्रामपंचायतीचे महिला सरपंचच्या पतीचे नाव आहेत. तक्रारदार हे ग्रामपंचायत वरसाडे प्र.पा. अंतर्गत होणाऱ्या रोजगार हमी योजने अंतर्गत कामांसाठी मानधन तत्वावर रोजगार सेवक म्हणून काम केले आहे. त्यांचे मिळणारे मानधनाच्या धनादेशावरती सही करून देण्याच्या मोबदल्यात तक्रारदार यांचेकडे ग्रामसेवक काशिनाथ राजधर सोनवणे यांच्यासह शिवदास भुरा राठोड यांनी प्रथम पंचासमक्ष 6 हजार रुपये लाचेची मागणी केली त्यानंतर तडजोडीअंती 4 हजार रुपये देण्याचे ठरले होते.
त्यानुसार सदर रक्कम वरसाडे प्र.पा.ग्रामपंचायतीचे महिला सरपंच पती यांच्याकडे देण्यास सांगितले याबाबत तक्रारदार यांनी ॲन्टी करप्शन ब्युरो,जळगाव यांच्याकडे तक्रार केली होती. त्यानुसार सापळा रचून ग्रामसेवक यांच्या पंचासमक्ष महिला सरपंच पती यास वरसाडे प्र.पा. ग्रामपंचायत कार्यालयातच 4,000 रुपयाची लाच घेतांना रंगेहाथ पकडले.
