सोन्याचा भाव आज, 31 मे 2022: जागतिक बाजारातील कमकुवत संकेत आणि वरच्या पातळीवरून होणारी विक्री यामुळे सोने आणि चांदीच्या किमतीत घसरण झाली आहे. आंतरराष्‍ट्रीय बाजारात आतापर्यंत मासिक आधारावर सोने 2.4 टक्क्यांनी घसरले आहे, ही सप्टेंबरनंतरची सर्वात मोठी घसरण आहे.
मल्टी कमोडिटी एक्सचेंजमध्ये आज सोन्या-चांदीच्या दरात कमजोरी दिसून येत आहे. मौल्यवान धातूंच्या किमतीत ही घसरण उच्च पातळीवरून होत असलेल्या नफावसुलीच्या पार्श्वभूमीवर दिसून येत आहे. तसेच जागतिक बाजारातील सोन्याच्या किमती कमजोर झाल्यामुळे किमतींवर दबाव दिसून येत आहे. एमसीएक्स गोल्ड जून फ्युचर्स 0.11 टक्के किंवा 56 रुपयांच्या घसरणीसह 51,038 रुपये प्रति 10 ग्रॅमवर व्यवहार करताना दिसत आहेत. त्याच वेळी, एमसीएक्स चांदीचा जुलै फ्युचर्स 0.50 टक्क्यांनी किंवा 309 रुपयांनी कमी होऊन 61,573 रुपये प्रति किलोवर व्यवहार करताना दिसत आहे.
