जळगाव : जळगाव ग्रामीण मतदार संघातील पदाधिकारी व कार्यकर्त्यांनी आज मुंबई येथील मातोश्रीवर जाऊन शिवसेना पक्षप्रमुख उद्धव ठाकरे यांची भेट घेतली. तसेच हाती शिवबंध बांधून पक्षप्रवेश केला.
शिवसेना पक्षप्रमुख उद्धव ठाकरे यांच्या कार्यकर्तृत्वावर विश्वास ठेवून शिवसेना उद्धव बाळासाहेब ठाकरे या संघटनेत शिवबंधन बांधुन प्रवेश केला. राष्ट्रवादी काँग्रेसचे विधानसभा क्षेत्रप्रमुख रमेश माणिक पाटील, युवक राष्ट्रवादीचे जिल्हा सरचिटणीस उमेश रावसाहेब पाटील, प्रवीण कौतिक पाटील, शेतकरी नेते छोटू सुकदेव पाटील, कोळी सेल कॉग्रेस जिल्हाध्यक्ष भाऊसाहेब सुकदेव सोनवणे, प्रहार जिल्हा नेते डॉ.जुबेर खान, भोकरचे ग्रामपंचायत सदस्य चेतन पुंडलिक सोनवणे यांनी पक्षात प्रवेश घेतला.
यांची होती उपस्थिती
यावेळी जळगाव जिल्हा संपर्कप्रमुख संजय सावंत, सहसंपर्कप्रमुख गुलाबराव वाघ, जिल्हा प्रमुख विष्णू भंगाळे, महिला आघाडी जिल्हा प्रमुख महानंदा पाटील, जळगाव उपमहापौर कुलभूषण पाटील, विरोधी पक्षनेते सुनिल महाजन, युवा सेना जिल्हाप्रमुख निलेश चौधरी, जळगाव महानगर प्रमुख शरद तायडे, उपजिल्हा प्रमुख अँड शरद माळी, उपजिल्हा संघटक राजेंद्र ठाकरे उपस्थित होते.
