चाळीसगांव ( राजमुद्रा) : – दि.12/04/2024 रोजी डिजिटल मिडिया संपादक पत्रकार संघटनेचे तालुका अध्यक्ष तथा पत्रकार राजेंद्र दशरथ चौधरी ( राजाबापु ) यांच्या कन्येच्या शुभविवाह प्रसंगी डिजिटल मिडिया संपादक पत्रकार संघटनेच्या चाळीसगांव शाखेच्या वतीने 11,000 /- रुपयाची रोख स्वरूपात मदत करण्यात आली तसेच संघटनेचे सल्लागार तथा ज्येष्ठ पत्रकार किसनरावजी जोर्वेकर यांनी देखील या कन्येच्या साखरपुड्यामध्ये केलेल्या घोषणा नुसार आज विवाहप्रसंगी 25,000/- रुपये रोख दिले असून, डिजिटल मिडिया संपादक पत्रकार संघटनेने वधू पित्यास रोख रक्कम देऊन एक प्रकारे चांगला संदेश दिला आहे.
यावेळी डिजिटल मिडिया संपादक पत्रकार संघटनेचे ज्येष्ठ सल्लागार तथा पत्रकार किसनरावजी जोर्वेकर, जिल्हा कार्याध्यक्ष विजय गवळी, जिल्हा सचिव गफार मलिक ,जिल्हा उपाध्यक्ष महेंद्र सूर्यवंशी, तालुका कार्याध्यक्ष कल्पेश महाले ,तालुका सचिव सुनील पाटील ,शहराध्यक्ष रविंद्र कोष्टी, तसेच रामलाल चौधरी, प्रशांत गायकवाड, महेंद्र महाले,रोहित शिंदे ,बबलू अहिरे, रणधीर जाधव, जाकीर मिर्झा, इत्यादी सर्व पत्रकार शुभ कार्यास उपस्थित होते यापुढे ही सर्व पत्रकारांच्या सुखदुःखामध्ये डिजिटल मिडिया संपादक पत्रकार संघटना अशीच पाठीशी उभे राहण्याचे आश्वासन यावेळी जिल्हा सचिव गफार मलिक यांनी दिले आहे
