राजमुद्रा : राज्यात विधानसभेचे वारे वाहू लागले असताना सत्ताधाऱ्या आणि विरोधकांकाकडून एकमेकांवर आरोप प्रत्यारोप केले जात आहेत.. या निवडणुकीसाठी महायुतीसह महाविकास आघाडीने जोरदार कंबर कसली असून लवकरच विधानसभा निवडणुकीच बिगुल वाजणार आहे. अशातच आता विधानपरिषदेचे आमदार आणि माजी राज्यमंत्री सदाभाऊ खोत यांनी राष्ट्रवादीचे ज्येष्ठ नेते शरद पवार यांच्यावर टीकास्त्र सोडले आहे.. शरद पवारांच्या इतका पापी माणूस कोणी नाही..त्यांना मानावे लागेल, आकाश खाता येत नाही म्हणून त्यांनी शिल्लक ठेवलं आहे. नाहीतर शरद पवार यांनी आकाशात सुद्धा राज्य केलं असतं, अशी टीका त्यांनी शरद पवारांवर केली आहे..
येणाऱ्या विधानसभेच्या निवडणुकीत महाराष्ट्राची जनता पवारांचे विचार राख रांगोळी केल्याशिवाय राहणार नाही, यावर्षी निवडणूक म्हणजे कौरव आणि पांडव यांच्यातील युद्ध आहे.शरद पवार यांनी या राज्यातील डावी चळवळ संपवली, कम्युनिस्ट संपवला, वेगवेगळ्या संघटना संपवल्या, महाराष्ट्रात जो गोंधळ सुरु आहे तो देवेंद्र फडणवीस यांना संपवण्यासाठी सुरु आहे, त्यांना संपवता येत नाही म्हणूनच शरद पवार महाराष्ट्रभर आग लावत फिरत असल्याचा टोला सदाभाऊ खोत यांनी लगावला आहे..यशवंतराव चव्हाण यांच्यानंतर दूरदृष्टी असलेला नेतृत्व म्हणजे देवेंद्र फडणवीस.. पण त्यांना संपवता येणार नाही.. या आगामी निवडणुकीत शरद पवारांच्या विचारांची रांगोळी होणार, असा सणसणीत टोला त्यांनी लगावला..
आगामी विधानसभा निवडणुकीत महायुती आणि महाविकास आघाडी यांच्यात सामना रंगणार असून एकीकडे एकनाथ शिंदे यांच्या अध्यक्षतेखाली पांडवांची फौज या निवडणुकीत उभी राहणार आहे. तर दुसऱ्या बाजूला शरद यांच्यासारख्या रावणाच्या नेतृत्वाखाली महाराष्ट्रात कौरवांची फौज उभी राहणार आहे. त्यामुळे महाविकास आघाडीच्या या लुटारूंना गाडावे लागेल. अशी टीका त्यांनी केली आहे.. आता त्यांच्या या टीकेला शरद पवार काय प्रत्युत्तर देणार हे पाहणे महत्त्वाचे ठरणार आहे..
