राजमुद्रा : महाराष्ट्र विधानसभा निवडणुकीत महायुतीला स्पष्ट बहुमत मिळालं असलं तरी मुख्यमंत्री कोण असणार हे अद्याप स्पष्ट झाल नाही. मात्र येत्या पाच डिसेंबर रोजी नव्या मंत्रिमंडळाचा शपथविधी होणार असल्याची माहिती समोर आली आहे अशातच आता शिवसेना शिंदे गटाच्या नेत्याच्या अडचणीत वाढ झाली आहे.शिंदे गटाचे नवनियुक्त आमदार आमशा पाडवी यांच्यावर महिलेला मारहाण आणि तिचा विनयभंग केल्याचा आरोप करण्यात आला आला आहे त्यामुळे राजकीय वर्तुळात या आरोपाने खळबळ उडाली आहे..
शिंदे गटाचे नवनियुक्त आमदार आमशा पाडवी यांच्यावर आरोप केलेली महिला ही विशेष म्हणजे भाजपची कार्यकर्ती आहे.. तसेच तिचा भाऊही भाजपमध्ये आहे. त्यामुळे त्यांच्या अडचणीत आता वाढ झाली.नुकत्याच झालेल्या विधानसभा निवडणुकीत त्यांचा विजय झाला. मात्र त्यानंतर आता त्यांच्यावर महिलेकडून मारहाण आणि विनयभंग केल्याचा आरोप करण्यात आला आहे, त्यामुळे त्यांच्या अडचणी वाढण्याची शक्यता आहे.
मंत्रिमंडळाच्या शपथविधी पूर्वीच आमशा पाडवी यांच्यावर केलेल्या आरोपाने राजकीय वर्तुळात चर्चांना उधान आला आहे. ग्रामपंचायत निवडणूक आणि विधानसभा निवडणुकीत पाडवी यांच्या विरोधात काम केल्याच्या रागातून परिवारातील सदस्य आणि महिलेला मारहाण झाल्याचा आरोप करण्यात आला आहे. दरम्यान या प्रकरणात आमदार पाडवी यांचा मुलगा जिल्हा परिषद सभापती शंकर पाडवी, मुलगी सोरापाडा सरपंच अंजू पाडवी, यांच्यासह त्यांच्या कार्यकर्त्यांवर अक्कलकुवा पोलीस स्टेशनमध्ये गुन्हा दाखल करण्यात आला आहे. त्यामुळे त्यांच्या अडचणी वाढल्या..
दरम्यान महायुतीतील प्रमुख घटक भाजप आणि शिवसेना शिंदे गटातील अंतर्गत वाद आता चव्हाट्यावर येत आहे
