राजमुद्रा : राजधानी दिल्लीत आगामी 98 व्या अखिल भारतीय मराठी साहित्य संमेलनाचे आयोजन करण्यात आले आहे.. या संमेलनाचे
स्वागताध्यक्ष राष्ट्रवादीचे ज्येष्ठ नेते शरद पवार असणार आहेत. या संमेलनाआधी त्यांनी दिल्लीत एक पत्रकार परिषद घेऊन मोठी घोषणा केली आहे.या अखिल भारतीय मराठी साहित्य संमेलनाच्या मुख्य सभागृहाला डॉ. बाबासाहेब आंबेडकर यांचे नाव देण्यात येणार असल्याचं त्यांनी सांगितलं आहे.
राष्ट्रवादीच्या शरद पवार गटाचे प्रमुख शरद पवार यांनी या पत्रकार परिषदेत अखिल भारतीय मराठी साहित्य संमेलनाची रुपरेषा सांगितली.या संमेलनाला पंतप्रधान नरेंद्र मोदी, मुख्यमंत्री देवेंद्र फडणवीस उपस्थितीत राहणार आहेत, असेही त्यांनी सांगितले..
या राजधानी दिल्लीत होणाऱ्या संमेलनासाठी महाराष्ट्रासह दिल्लीतील ५ हजार साहित्य प्रेमी उपस्थित राहणार आहेत. तर २५०० प्रतिनिधी महाराष्ट्रातून येणार आहेत, अशी माहिती त्यांनी दिली.
या संमेलनासाठी शरद पवार यांनी मुख्यमंत्री देवेंद्र फडणवीस यांच्यासह उपमुख्यमंत्री एकनाथ शिंदे आणि अजित पवार यांनाही निमंत्रित केले आहे..साहित्य संमेलनासाठी १५०० लोकांच्या निवासाची व्यवस्था केली आहे. २१ फेब्रुवारी रोजी सकाळी ९.३० वाजता ग्रंथ दिंडी निघणार आहे”, असे शरद पवार म्हणाले.
मुख्य सभागृह त्याचं नामकरण केलंय. डॉ. बाबासाहेब आंबेडकर सभागृह असं नाव दिलं. या संमेलनाचे प्रवेशद्वार हे लोकमान्य टिळक आणि यशवंतराव चव्हाण यांच्या नावाने प्रवेशद्वार राहणार असणार आहे.. त्यामुळे या संमेलनाकडे सर्वांच्या नजरा लागल्या आहेत..
