राजमुद्रा : दिल्ली विधानसभा निवडणुकीत आम आदमी पक्षाचा दारुण पराभव झाला.. या दरम्यान आता महाराष्ट्राचे उपमुख्यमंत्री एकनाथ शिंदे यांनी आप पक्षाबाबत केलेल्या दाव्याने राजकीय वर्तुळात खळबळ उडाली आहे.. दिल्ली विधानसभा निवडणूक लढण्यासाठी आपच्या 15 उमेदवारांनी (शिवसेना )पक्षाच्या चिन्हासाठी आमच्याशी संपर्क साधला होता. अप्रत्यक्षपणे आप मध्ये मोठी फूट पडणार होती असं त्यांनी सांगितलं.. युतीच्या युतीधर्माला जागत आम्ही तो प्रस्ताव नाकारला असा दावा त्यांनी केला आहे.. त्यामुळे राजकीय वर्तुळात चर्चांना उधाण आला आहे..
उपमुख्यमंत्री एकनाथ शिंदे यांनी असेही सांगितले की, ‘आप’चे ( आम आदमी पक्ष) एकूण 15 उमेदवार माझ्यापर्यंत पोहोचले होते. शिवसेनेच्या चिन्हावर निवडणूक लढवण्याची इच्छा त्यांनी व्यक्त केली. पण धनुष्यबाण हे निवडणूक चिन्ह त्यांच्याकडे गेले तर निवडणुकीत भाजप आणि शिवसेनेची बीज मते विभागली जातील, ज्याचा फायदा इतरांना होईल, असं मला वाटले. म्हणून मी त्यांना नकार दिला, असे सांगितलं.
दरम्यान दिल्ली विधानसभा निवडणुकीत जनतेने आपला नाकारलं आणि मतदारांनी भाजपवर विश्वास दाखवत भरघोस मतदान केल्याने तब्बल दोन दशकानंतर भाजपचे दिल्लीत पुनरागमन झाले आहे. यानंतर आपचे प्रमुख अरविंद केजरीवाल यांनी जनतेचा कौल आम्हाला मंजूर असल्याची प्रतिक्रिया देखील दिली.. . भाजपने 70 पैकी 48 जागा जिंकल्या तर सत्ताधारी आम आदमी पक्षाचा दारूण पराभव झाला. अरविंद केजरीवाल यांच्या ‘आप’ला अवघ्या 22 जागा मिळाल्या. एवढंच नव्हे तर अरविंद केजरीवाल आणि मनिष सिसोदियांनाही पराभव पत्करावा लागला. तर या निवडणुकीत काँग्रेसला एकही जागा जिंकता आली नाही. भाजपने बाजी मारली
