राजमुद्रा : शिवसेनेचे मुख्य नेते आणि राज्याचे उपमुख्यमंत्री एकनाथ शिंदे यांना पुण्यातील सरहद्द संस्थेकडून महादजी शिंदे राष्ट्र गौरव पुरस्कार जाहीर करण्यात आला आहे.. त्यांना हा पुरस्कार दिल्लीत राष्ट्रवादी शरदचंद्र पवार पक्षाचे अध्यक्ष आणि खासदार शरद पवार यांच्या हस्ते दिला जाणार आहे. त्यामुळे एकनाथ शिंदे आणि शरद पवार एकाच मंचावर येणार असल्याने याकडे राजकीय वर्तुळाचं लक्ष लागून राहिला आहे..
सरहद, पुणे आयोजित अ. भा. मराठी साहित्य संमेलनाच्या निमित्ताने आयोजित कार्यक्रमात विविध क्षेत्रात उल्लेखनीय कामगिरी करणाऱ्या सन्माननीय व्यक्तींचा गौरव केला जाणार आहे, अशी माहिती आयोजकांकडून देण्यात आली. यामध्ये उपमुख्यमंत्री एकनाथ शिंदे यांना महादजी शिंदे राष्ट्र गौरव पुरस्कार देण्यात येणार आहे.. पाच लाख रुपये, मानपत्र, सन्मानचिन्ह आणि शिंदेशाही पगडी असे या पुरस्काराचे स्वरूप आहे..
दिल्लीत अखिल भारतीय मराठी साहित्य संमेलन भरणार आहे या संमेलनावेळीच ज्येष्ठ नेते खासदार शरद पवार यांच्या हस्ते उपमुख्यमंत्री एकनाथ शिंदे यांचा सत्कार करण्यात येणार आहे.. दिल्लीतील महाराष्ट्र सदन हा कार्यक्रम पार पडणार असल्याची माहिती समोर आली आहे.. या कार्यक्रम सोहळ्यासाठी केंद्रीय राज्यमंत्री मुरलीधर मोहोळ, जेष्ठ साहित्यिक सदानंद मोरे यांच्यासह इतर मान्यवर ही उपस्थित असणार आहेत…
