जळगाव राजमुद्रा वृत्तसेवा | जळगावचे उपमहापौर कुलभूषण पाटील यांच्या पिंप्राळा येथील निवासस्थानी अज्ञातांनी गोळीबार केला असून पोलीस गोळीबार करणाऱ्यांचा शोध घेत आहेत.
याबाबत प्राप्त माहिती अशी की, जळगाव चे उपमहापौर कुलभूषण पाटील यांच्या घरावर अज्ञातांनी गोळीबार केला असून, घटनास्थळी पोलीस दाखल झाले आहेत. या हल्ल्यात उपमहापौर बचावले असून पूर्ववैमनस्यातून गोळीबार झाल्याचा प्राथमिक अंदाज व्यक्त केला जात आहे. अज्ञातांनी चारचाकीतून येऊन हा गोळीबार केला असून, पोलीस सध्या गोळीबार करणाऱ्यांचा शोध घेत आहेत. रामानंद पोलिस ठाण्यात तक्रार दाखल करण्याचे काम सुरू असून, महापौर पाटील यांच्या घराजवळ जमाव जमला आहे. या घटनेमुळे शहरात खळबळ माजली आहे.
