जळगाव राजमुद्रा वृत्तसेवा |जळगाव शहरातील पाणीपुरवठा करण्याकामी पाणीपुरवठा योजने अंतर्गत वाघुर ३३ केव्ही उच्चदाब वाहिनीवरील केबल मध्ये तांत्रिक दोष निर्माण झाल्याने वाघूर पंपींग स्टेशनला होणारा वीजपुरवठा दिंनाक ३० जुलै रोजी सकाळी २ वाजेपासून खंडीत झाला आहे. दरम्यान वीजकंपनीच्या मार्फत काम सुरु असल्यामुळे शहराचा पाणीपुरवठा १ दिवस पुढे ढकलण्यात आला आहे.
दिनांक ३० जुलै रोजीचा पाणीपुरवठा ३१ जुलै रोजी करण्यात येईल. तसेच ३१ जुलै रोजी व १ ऑगस्ट रोजी होणारा पाणीपुरवठा अनुक्रमे दि. १ व २ ऑगस्ट रोजी करण्यात येईल. तरी नागरिकांनी यांची नोंद घ्यावी व पाण्याचा काटकसरीने वापर करावा. असे मनपा तर्फे कळविण्यात आले आहे.
