(राजमुद्रा जळगाव) जामनेर तालुक्यातील पिंपळगाव बुद्रुक येथील वीस वर्षीय पारदर्शी उल्हास पाटील हा तरुण जळगाव शहरात येऊन मोटर सायकल चोरी करत असल्याची गोपनीय माहिती स्थानिक गुन्हे शाखेचे पोलीस निरीक्षक किरणकुमार बकाले यांना मिळाली. या माहितीच्या अनुषंगाने गेल्या चार पाच दिवसांपासून गुन्हे शाखेचे पथक पिंपळगाव बुद्रुक येथे वास्तव्यास राहून तपास करत होते. जामनेर कडून पहूरकडे येत असताना पारदर्शी पाटील या मोटरसायकल चोराला शेरी फाट्याजवळ चोरीच्या मोटरसायकलचा ताब्यात घेण्यात आले.
अधिक तपास करता एमआयडीसी पोलीस स्टेशन येथील 6, जिल्हा पेठ पोलीस स्टेशन येथील 7, जळगाव शहर पोलीस स्टेशन व शनिपेठ पोलीस स्टेशन येथील अनुक्रमे एक एक असे एकूण पंधरा गुन्ह्यांची कबुली सदर चोरट्याकडून मिळाली असून या मोटरसायकल पोलिसांनी आपल्या ताब्यात घेतल्या आहेत. मे महिन्यातील पहिल्या आठवड्यात 14 सोनसाखळी लांबवण्याचे गुन्हे उघडकीस आणल्यानंतर आता तब्बल 15 मोटरसायकल चोरीचे गुन्हे उलगडण्यात पोलिसांच्या स्थानिक गुन्हे शाखेच्या पथकाला यश आले असून पोलीस निरीक्षक किरणकुमार बकाले यांच्या पथकात अशोक महाजन, शरीफ काझी, युनूस शेख, किशोर राठोड, विनोद पाटील, रणजित जाधव, उमेशगिरी गोसावी, वसंत लिंगायत, महेश महाजन, अशोक पाटील, मुरलीधर बारी आदींचा समावेश होता.
