जळगाव राजमुद्रा वृत्तसेवा | आमदार जिल्हा परिषद पंचायत समिती नगरपालिका महापालिका यांचा सदस्य असल्यास तो विकास कामांना गती देण्याचा पुढाकार घेऊ शकतो. त्यामुळे आमदार या संस्थांच्या सदस्यांमधून निवडण्यात यावा याबाबतची चर्चा जिल्हा परिषद पंचायत समिती सदस्य असोसिएशनच्या जिल्हा बैठकीत करण्यात आली आहे. या संदर्भातली मागणी देखील शासनाकडे करण्यात येणार असल्याची माहिती या वेळी देण्यात आली आहे.
जिल्हा परिषदेच्या छत्रपती शाहू महाराज सभागृहात कार्यक्रमाचे आयोजन करण्यात आलं होतं. जिल्हा परिषद पंचायत समिती सदस्य यांच्या जिल्हास्तरीय बैठकीमध्ये संस्थापक अध्यक्ष डॉक्टर कैलास गोरे- पाटील यांच्या अध्यक्षतेखाली बैठकीचे आयोजन करण्यात आलं होतं. तथा बैठकीत जिल्हा परिषद अध्यक्ष रंजना पाटील, जि. प रत्नागिरी उपाध्यक्ष उदय बने, राज्य संघटक संजीव वाडे, राज्य उपाध्यक्ष जय मंगल जाधव, उत्तर महाराष्ट्र महिला अध्यक्ष तथा जि प सदस्य डॉक्टर नीलम पाटील, असोसिएशनचे जिल्हाध्यक्ष प्रभाकर सोनवणे, समाजकल्याण सभापती जयपाल बोदळे आदी पदाधिकारी उपस्थित होते.
जळगाव जिल्हाध्यक्षपदी प्रभाकर सोनवणे, सल्लागार अध्यक्षा रंजना पाटील ,उपाध्यक्ष लालचंद पाटील, रावसाहेब पाटील, नंदकिशोर महाजन, अरुण पाटील, शशिकांत साळुंके यांची उपाध्यक्षपदी नियुक्ती करण्यात आलेली आहे. सरचिटणीस नानाभाऊ महाजन व मधुकर काटे, चिटणीस सुरेखा पाटील ,माहिती प्रचार व प्रसार हिंमत पाटील ,संघटक रेखा राजपूत ,पवन सोनवणे, जयपाल बोदडे, महिला जिल्हाध्यक्ष जयश्री पाटील, उपाध्यक्ष पल्लवी सावकारे, किर्ती चित्ते, सविता भालेराव यांची नियुक्ती देखील यावेळी करण्यात आली आहे.
