कल्याण राजमुद्रा दर्पण | अप लखनऊ मुंबई पुष्पक एक्सप्रेस मध्ये दरोडेखोरांनी धुमाकूळ घालत प्रवाशांमध्ये मौल्यवान वस्तूंची लूट केली तर एका महिलेचा विनयभंग केल्याचा संतापजनक प्रकार शुक्रवार 8 ऑक्टोंबर रोजी रात्री घडला आहे. या संदर्भात माहिती अशी की, गाडीने इगतपुरी सोडल्यानंतर आठ दरोडेखोर गाडीत शिरले त्यांनी बेल्ट तसेच फायटर च्या सहाय्याने प्रवाशांना मारहाण केली त्यांच्याकडील रोकड व मोबाईल तसेच इतर मुल्यवान वस्तुंची लूट केली आहे.
एका 20 वर्षीय तरुणीची आरोपीने छेडखाणी केल्याचे सूत्रांनी सांगितले आहे. काही प्रवाशांनी हिम्मत करून दोन दरोडेखोरांना पकडून ठेवल्या नंतर त्यांना कल्याण लोहमार्ग पोलिसांच्या ताब्यात देण्यात आल्याचे सांगण्यात आल्याचे सांगण्यात आले आहे.
अप लखनऊ, मुंबई, पुष्पक एक्सप्रेस शुक्रवारी संध्याकाळी सहाच्या सुमारास इगतपुरी स्टेशनला पोहोचली इगतपुरी सांताक्रुज गाडी मुंबईच्या दिशेने येत असताना इगतपुरी स्थानक सोडल्यानंतर गाडी बोगद्याजवळ आल्यावर असतानाच आठ दरोडेखोर गाडीमध्ये चढले त्यांनी प्रवाशांना मारहाण करण्यास सुरुवात केली. त्यांचा प्रतिकार करणाऱ्या प्रवाशांना दरोडेखोरांनी बेदम मारहाण केली आहे. दोन दरोडेखोर हिम्मत करून प्रवाशांनी पकडून ठेवल्या नंतर त्यांना पोलिसांच्या ताब्यात देण्यात आले आहे. या प्रकरणाचा तपास कल्याण जीआरपी आणि कल्याण रेल्वे क्राईम ब्रँच करीत आहे.
