हिंगोली राजमुद्रा दर्पण। – हिंगोलीत एक धक्कादायक घटना घडली आहे. हिंगोलीतील वसमत तालुक्यातील ही घटना आहे. भाऊबीजेच्या एक दिवसापूर्वी बहिण भावावर काळाचा घाला पडला आहे. भीषण अपघातात बहिण-भावाचा मृत्यू झाला आहे. या भीषण अपघातामुळे संपूर्ण औरंगाबादमध्ये एकच खळबळ उडाली आहे. प्राप्त माहितीनुसार, या अपघातात आदर्श अरविंद सुरय्या आणि कीर्ती अरविंद सुरय्या या दोघांचा जागीच मृत्यू झाला.
मोठी बहीण आणि मामा हे दोघे या अपघातात गंभीर जखमी झाले असून त्यांच्यावर रुग्णालयात उपचार सुरू आहेत. उपचाराकरिता त्यांना नांदेड हलवण्यात आलं आहे. तर दिवाळीसाठी मामाकडे जात असताना हा अपघात घडला आहे. तटाकळगाव येथून वसमतकडे येणाऱ्या टाटा एस मॅजिक पिकप यांनी मोटर सायकलला जोरदार धडक दिली. त्यामुळे बहिण-भावाचा जागीच मृत्यू झाला तर सोबतच आलेल्या मामा राजू खिलारे आणि मोठी बहीण आरती अरविंद सुरय्या जखमी झाले आहेत. वसमत तालुक्यामध्ये या घटनेमुळे सर्वत्र हळहळ व्यक्त करण्यात येत आहे.
