नांदेड राजमुद्रा दर्पण । मुंबई एनसीबीच्या पथकाने नांदेड मधील गांजा तस्करी प्रकरणातील संशयित आरोपींना (गुरुवार) बिलोली येथील अतिरिक्त जिल्हा सत्र न्यायालयाने १४ दिवसांची न्यायालयीन कोठडी सुनावली आहे. याबाबतची माहिती एस. बी. कुंडलीकर सरकारी वकील, बिलोली यांनी दिली. १५ नोव्हेंबरला मुंबई एनसीबीने नायगाव तालुक्यातील मांजरम येथे एका ट्रकमधून ११ क्विंटल २७ किलो गांजा जप्त करत ट्रक चालक गोपू राजपूत तर सुनिल महाजन या दोन संशयित आरोपींना अटक केली होती. त्यावेळेस न्यायालयाने त्यांना दोन दिवसांची पोलिस कोठडी सुनावली होती.
न्यायालयाने दाेघांना १४ दिवसाची न्यायालयीन कोठडी सुनावली आहे. दरम्यान एनसीबीला या दोन्ही संशयित आरोपींकडून ठोस माहिती मिळालेली नाही. परंतु गांजा तस्करीची मोडसअप्रेंडी एनसीबीला कळाली आहे. एनसीबी आता पुढे काय कारवाई करते याकडे राज्याचे लक्ष लागलेले आहे.
