उभ्या ट्रॉलीला रिक्षाची धडक रिक्षाचालक जागीच ठार – ४ जखमी

जामनेर राजमुद्रा दर्पण | तालुक्यातील पळासखेडे बुद्रुक ते केकतनिंभोरा दरम्यान रस्त्त्याच्या कडेला उभ्या असलेल्या ट्रॅक्टरच्या ट्रॉलीला प्रवाशी रिक्षाने (एम.एच.१९ ए.एक्स.५६५८) ने मागून धडक दिल्याने झालेल्या अपघातात सुनिल वामन सपकाळे (वय ५१) राहणार नेरी बुद्रुक हे जागीच ठार झाला असून अंदाजे ४ महिला व पुरुष प्रवाशी जखमी झाल्याची घटना आज दि.२ रोजी रात्री ८-३० वाजेच्या सुमारास घडली.जखमींना पुढील उपचारासाठी जळगाव येथे हलविण्यात आले आहे.अपघाताच्या दरम्यान रिमझिम पाऊस सुरू असल्यामुळे रिक्षा चालकाचा वाहनावरील ताबा सुटल्याने अपघात झाला असावा असा प्राथमिक अंदाज काढला जात आहे.अपघातातील जखमी झालेले सर्व प्रवाशी नेरी येथील रहिवाशी असल्याचे सांगितले जात आहे.