दिल्ली राजमुद्रा दर्पण। तुम्ही जर इनकम टॅक्स भरला नसेल तर या महिन्याच्या शेवटपर्यंत म्हणजे 31 डिसेंबरपर्यंत इनकम टॅक्स भरता येऊ शकतो. इनकम टॅक्स भरण्याची तारीख जवळ येत असल्यामुळे इनकम टॅक्स भरणाऱ्यांच्या संख्येत मोठ्या प्रमाणात वाढ होत आहे. इनकम टॅक्स भरण्यासाठी शेवटच्या तारखेची वाट न पहाता आजच आपला टॅक्स भरा, आणि गर्दी टाळा असे आवाहन अर्थ मंत्रालयाच्या वतीने करण्यात आले आहे. 2020-21 च्या आर्थिक वर्षासाठी आतापर्यंत तीन कोटींपेक्षा अधिक करदात्यांनी आपले इनकम टॅक्स रिटन दाखल केला आहे.
दररोज चार लाखांपेक्षा अधिक दाते हे आपला इनकम टॅक्स भरत आहेत. दरम्यान ज्या दात्यांनी आतापर्यंत इनकम टॅक्स रिटन दाखल केला नाही, अशा दात्यांनी लवकरात -लवकर आपाला इनकम टॅक्स रिटन दाखल करावा असे आवाहन संबंधित विभागाकडून करण्यात आले आहे. दरम्यान जास्तीत जास्त करदात्यांनी इनकम टॅक्स रिटन दाखल करावा यासाठी आता आयकर विभागाकडून देखील पुढाकार घेण्यात आला आहे. आयकर विभागाकडून करदात्यांमध्ये जनजागृती करण्यात येत आहे.
