पुणे राजमुद्रा दर्पण। राज्य सरकारने शाळा सुरू करण्याबाबतचा निर्णय 1 डिसेंबरपासून लागू केला. परंतु, स्थानिक पातळीवर अनेक जिल्ह्यांमध्ये पहिल्या वर्गापासून शाळा सुरू झालेल्या नाहीत. ओमीक्रॉन व्हेरिएंटच्या भीतीने स्थानिक पातळीवर शाळा सुरू करण्याबाबत वाद होतात. त्यामुळे, ओमायक्रॉनच्या पार्श्वभूमीवर शाळांबाबतचा निर्णय राज्य सरकारकडून आढावा घेऊन घेण्यात येईल. यापूर्वी सुद्धा परिस्थितीनुसार शाळा सुरू करणे आणि रद्द करणे असे निर्णय झालेले आहेत असे अजित पवारांनी स्पष्ट केले.
अजित पवार यांच्या अध्यक्षतेखाली बैठक घेण्यात आली. राज्यात पहिलीपासून शाळा सुरू करण्याचा निर्णय झाल्यानंतरही अनेक ठिकाणी शाळा सुरू झालेल्या नाहीत. यावर लवकरच राज्य सरकार निर्णय घेणार असे अजित पवारांनी सांगितले आहे. कोरोनाचा नवीन व्हेरिएंट ओमायक्रॉनबाबत जगभरात दहशतीचे वातावरण आहे. भारतात स्थानिक पातळीवर सुद्धा उपाय म्हणून कोरोना नियमांची कठोर अंमलबजावणी सुरू आहे. त्यातच कोरोना लसीचा तिसरा डोस अर्थात बूस्टर डोस संदर्भात उपमुख्यमंत्री अजित पवार यांनी टास्क फोर्सच्या अधिकाऱ्यांसोबत चर्चा केली.
