मुंबई राजमुद्रा दर्पण। रिचार्जचे दर वाढवण्यास सुरुवात केली आहे. एअरटेल आणि Vi नंतर आता जिओने आपले रीचार्ज प्लॅन महाग केले आहेत. जिओने आपल्या प्रीपेड प्लॅनमध्ये 21% टक्के पर्यंतची वाढ केली आहे. यापूर्वी मिळणारे 75 रुपयांचे प्लॅन आता 1 डिसेंबरपासून 91 रुपयांत घ्यावे लागणार आहे. तर आतापर्यंत 129 रुपयांत मिळणाऱ्या प्लॅनसाठी 155 रुपये मोजावे लागणार आहेत. तर 399 रुपयांत येणाऱ्या प्लॅनसाठी 479 रुपये खर्च करावे लागतील. यासोबतच, 1299 च्या प्लॅनसाठी 1,559 रुपये आणि 2,399 च्या प्लॅनसाठी आता 2,879 रुपये एवढा खर्च येणार आहे.
डेटा टॉप-अपच्या किमती सुद्धा वाढवण्यात आल्या आहेत. आता 6 GB डेटासाठी 51 तर 61 रुपये द्यावे लागतील. 12 GB च्या प्लॅनसाठी आतापर्यंत 101 रुपये घेतले जात होते. त्यासाठी आता 121 रुपये वसूल केले जाणार आहेत. 50 GB च्या डेटाची किंमत सुद्धा 251 वरून 301 रुपये करण्यात आली आहे. रेट वाढवण्याच्या बाबतीत एअरटेल आणि Vi च्या तुलनेत अजुनही जिओचे प्लॅन स्वस्त ठरतील.
