मुंबई राजमुद्रा दर्पण । भाजपही फारसा दूर नाही, असं विधान राष्ट्रवादीचे नेते जितेंद्र आव्हाड यांनी केलेलं आहे. त्याला शिवसेना नेते विनायक राऊत यांनी प्रत्युत्तर दिलं आहे. महाविकास आघाडीच्या माध्यमातून सर्वच निवडणूका लढवल्या पाहिजेत या विचाराचे ते आहेत. मात्र कुठे काही वैचारिक मतभेद किंवा गॅपिंग असेल तर ती नक्कीच दूर केली जाईल. परंतु कोणत्याही परिस्थितीत मोठ्या निवडणूका या महाविकास आघाडीच्या माध्यमातून लढवल्या जाव्यात असं सर्वांचे मत आहे, असं राऊत म्हणाले.
महाविकास आघाडीतील सर्वच पक्ष हे स्वतंत्र आहेत. त्यांना कोणी बंधन केलेलं नाही. मात्र प्रत्येकजण परिस्थितीनुसार युती-महायूती करतील आणि भविष्यातील निवडणूका लढवतील. कोणावर बंधनं नाहीत. सत्ता स्थापन झाली म्हणजे शंभर टक्के महाविकास आघाडीत आलचं पाहिजे असं बंधन नाही, परंतु एक संकेत आहेत. सर्वाना वाटतं महाविकास आघाडीच्या माध्यमातून निवडणूका झाल्या तर चांगलं होईल, असं सांगतानाच भाजप आणि जितेंद्र आव्हाड यांच्यातील अंतर मी पाहीलेलं नाही. किती आहे ते नेमकं? असा टोला राऊत यांनी लगावला.
लोकसभेत खासदार कन्नीमोळी यांनी राणेंना एक प्रश्न विचारला होता. त्यांना हा प्रश्न इंग्रजीत विचारला होता. राणेंचीही लोकसभेत बोलण्याची पहिलीच वेळ होती. त्यामुळे त्यांचा अभ्यास तेवढा झाला की नाही माहीत नाही. त्यामुळे त्यांना लोकसभेत व्यवस्थित उत्तर देता आले नाही. त्यांना प्रश्न समजला नसावा. पण मी यावर फार टीकाटिप्पणी करणार नाही. जेवढा महाराष्ट्र सोपा आहे, तेवढीच देशाची संसद सोपी आहे असं कुणी समजू नये, असा टोला त्यांनी राणेंना लगावला.
