मारवाडी महिला मंडळ पुरस्काराने सन्मानित

जळगाव ः प्रतिनिधी
येथील अखिल भारतीय मारवाडी महिला मंडळ जळगावचे प्रांतीय अधिवेशन शेगाव येथे नुकतेच झाले. या वेळी सर्व शाखेच्या सदस्या उपस्थित होत्या. प्रत्येक शाखेला आपल्या कार्यानुसार पुरस्कार देऊन सन्मानित करण्यात आले. यात जळगाव शाखेला 17 पुरस्कार प्राप्त झाले.
अधिवेशनाला राष्ट्रीय अध्यक्षा शारदा लखोटिया, राष्ट्रीय सचिव रेखा लखोटिया, प्रांतीय अध्यक्षा सरोज पसारी, सचिव निकिता बागडी, सावित्री बासना, रेखा राठी उपस्थित होत्या. जळगाव शाखेतर्फे अधिवेशनासाठी अध्यक्ष प्रतिभा अग्रवाल, सचिव सुधा खटोड, अल्पना शर्मा, सुषमा झंवर, मनीषा दायमा, लता गोयल यांची उपस्थिती होती.