पुणे । पुण्यात अंडी भुर्जी विकणाऱ्या एका व्यक्तीने दोन भिकाऱ्यांवर गरम पाणी टाकून त्यांची हत्या केल्याची घटना 23 मे रोजी घडली.रिपोर्टनुसार, भिकारी हातगाडीजवळ बसल्यामुळे ग्राहक तिथे जेवायला आले नाहीत, त्यामुळे दुकानदाराने संतापून त्याची हत्या केली. मिळालेल्या माहितीनुसार, याआधी त्याने बऱ्याच भिकाऱ्यांनाही मारहाण केली होती.
पुणे जिल्ह्यातील सासवडमध्ये मानवतेला लाजवेल अशी घटना समोर आली आहे. येथे अंडी भुर्जी ची गाडी चालवणाऱ्या एका व्यक्तीने तीन भिकाऱ्यांच्या अंगावर गरम पाणी टाकले, त्यात दोघांचा मृत्यू झाला तर तिसरा गंभीर जखमी झाला. भिकाऱ्यांच्या अंगावर उकळते पाणी ओतण्याबरोबरच त्यांना मारहाणही करण्यात आली होत, त्यामुळे नंतर त्यांचा मृत्यू झाला.
ही घटना 23 मे रोजी सासवड येथे घडली. वरिष्ठ पोलीस अधिकाऱ्यांनी या प्रकरणाच्या चौकशीचे आदेश दिले असता हातगाडीवर खुनाचा गुन्हा दाखल करण्यात आला आहे. याप्रकरणी पोलिसांनी निलेश जगताप नावाच्या आरोपीला अटक केली आहे. मृतक दोघेही कचरा वेचण्याचे आणि भीक मागायचे काम करायचे, ते लोकांकडे भीक मागून आपला उदरनिर्वाह करत होते, त्यामुळे पोलिसांनी त्यांना बेवारस समजून त्याच्यावर अंत्यसंस्कार केले.
याप्रकरणी माजी मंत्री विजय शिवतारे यांनी आमदार संजय जगताप यांच्यावर गंभीर आरोप केले आहेत. आमदार संजय जगताप यांनी पोलीस आणि प्रशासनावर राजकीय दबाव टाकून प्रकरण लपविण्याचा प्रयत्न केला होता, त्यामुळे त्याची चौकशी झाली पाहिजे, असा आरोप शिवतारे यांनी केला आहे.
आमदारांचे फोन रेकॉर्डही तपासले तर खरा खेळ बाहेर येईल, असे ते म्हणाले. सासवड शहरात भीक मागून हे तिघे भिकारी पोट भरत असल्याचे लोकांचे म्हणणे आहे. अहिल्या देवी मार्केटजवळच्या कॉरिडॉरमध्ये रोज रात्री तीन भिकारी बसायचे. त्याचवेळी नीलेश जगताप हा जवळच अंडा भुर्जीचा गाडी लावायचा.
एका वृत्तानुसार, भिकारी गाडी जवळ बसल्याने ग्राहक त्याच्या हातगाडीकडे येत नसल्याने जगताप संतापले, २३ मे रोजी रात्री जगताप याने या भिकाऱ्यांना तेथून हटविण्याच्या प्रयत्नात शिवीगाळ व मारहाण केली.
मारहाणीदरम्यान एक वृद्ध बेशुद्ध पडला, त्यानंतर त्याच्या शेजारी बसलेल्या महिलेने त्याला उठवण्याचा प्रयत्न केला. वृद्ध उठले नाही तेव्हा आरोपींने दोघांवर उकळते पाणी फेकले, यामध्ये दोन भिकाऱ्यांचा मृत्यू झाला, तर एक जण गंभीर जखमी झाला.
ही हत्या जिथे झाली तिथून काही अंतरावर सासवड पोलीस ठाणे आहे. मात्र, त्यावेळी पोलिसांनी या घटनेकडे दुर्लक्ष केले. घटनेनंतर, दोन्ही मृतांचे मृतदेह पोस्टमॉर्टमसाठी पाठवण्यात आले, ज्यामध्ये डॉक्टरांनी उपासमारीने मृत्यू झाल्याचा अंदाज लावला. याकडे दुर्लक्ष करून पोलिसांनी अकस्मात मृत्यूची नोंद केली होती.
या घटनेनंतर आजूबाजूच्या लोकांनी त्याच्यावर खुनाचा आरोप केला व त्यांनतर वरिष्ठ पोलीस अधिकाऱ्यांना या हत्येची माहिती मिळाली. यानंतर पुण्याचे डीएसपी डॉ.अभिनव देशमुख यांनी तपासाचे आदेश दिले, त्यात हे सत्य बाहेर आले.पोलिसांनी नीलेश जगतापविरुद्ध खुनाचा गुन्हा दाखल करून त्याला अटक केली आहे.
