दारूची होम डिलिव्हरी बंद करण्यासाठी गृह विभागाने उत्पादन शुल्क विभागाला पत्र पाठवले आहे. महाराष्ट्राचे उपमुख्यमंत्री अजित पवार म्हणाले की, “कोविडचे प्रमाण कमी असल्याने आम्ही दारूची होम डिलिव्हरी बंद करत आहोत.”
लॉकडाऊनच्या काळात ही सुविधा सुरू करण्यात आली होती :-
महाराष्ट्रात कोरोनाच्या रुग्णांमध्ये वाढ झाल्यानंतर दारूची होम डिलिव्हरी सुरू करण्यात आली होती. मात्र, ही डिलिव्हरी परवानाधारक दुकानांसाठी होती.दारू पोहोचवण्यासाठी गेलेल्या व्यक्तीला मास्क आणि हातमोजे घालावे लागत होते. कोविडचा वाढता धोका लक्षात घेऊन डिलिव्हरी मॅन आणि ग्राहकांच्या सुरक्षेसाठी हे पाऊल उचलण्यात आले आहे. आता केसेस कमी झाल्यामुळे सरकारने होम डिलिव्हरी बंद करण्याचा निर्णय घेतला आहे.
परवानाधारक दुकानांना परवानगी देण्यात आली होती :-
महाराष्ट्र सरकारने होम डिलिव्हरीसाठी अधिसूचना जारी केली होती. अधिसूचनेनुसार, बॉम्बे लिकर नियम 1953 अंतर्गत, FL II, FL/BR-II, FL/W-II परवाने असलेले मद्य, बिअर, सौम्य मद्य, वाइन डिलिव्हरी घरच्या पत्त्यावर पोहोचवू शकत होतात.
