मंगळवारी पुन्हा सोन्याच्या भावात घसरण झाली. आज, सोने त्याच्या साप्ताहिक नीचांकी पातळी जवळ आहे, यामागील कारण मजबूत अमेरिकन डॉलरचा बुलियनच्या आवाहनावर परिणाम झाला आहे. MCXवर सोन्याचे फ्युचर्स 0.16 टक्क्यांनी म्हणजेच 83 रुपयांनी घसरून 50,787 रुपये प्रति 10 ग्रॅमवर होते. चांदीचा भाव मात्र 0.59 टक्क्यांनी घसरून 366 रुपये प्रतिकिलो 61,933 रुपये झाला.
इंडियन बुलियन अँड ज्वेलर्स असोसिएशन (IBJA) नुसार, शुक्रवारी स्पॉट मार्केटमध्ये सर्वोच्च शुद्धतेचे सोने 51,112 रुपये प्रति 10 ग्रॅम तर चांदीची किंमत 62.592 रुपये प्रति किलोवर विकली गेली होती. स्पॉट सोन्याच्या किमती गेल्या दोन आठवड्यांपासून आणि मासिक आधारावर जवळजवळ सपाट राहिल्या आहेत, जे सराफा बाजारामध्ये मध्ये श्रेणीबद्ध व्यापार दर्शवत आहे.
अमेरिकन डॉलरच्या तुलनेत रुपया आज 9 पैशांनी कमजोर होऊन 77.72 प्रति डॉलरवर उघडला आहे.
जागतिक बाजारातही सोने स्वस्त झाले आहे :-
जागतिक बाजारपेठेबद्दल बोलायचे झाले तर आज सोने स्वस्त झाले आहे. जागतिक बाजरपेठेत मात्र चांदीच्या दरात वाढ झाली असून सोने 0.35 टक्क्यांनी घसरून $1844 वर आले. चांदी 0.84 टक्क्यांनी महाग होऊन $22.09 वर आली.
इतर मौल्यवान धातूंबद्दल बोलायचे झाल्यास, तांबे 0.83 टक्क्यांनी घसरून $433.5 वर आले. OPEC+ करार असूनही, सौदी अरेबियाच्या किमती वाढल्याने कच्च्या तेलाची किंमत प्रति बॅरल $ 120 वर ढकलली गेली. ब्रेंट क्रूडच्या 1 बॅरलची किंमत $120.10 डॉलर इतकी आहे.
