राजमुद्रा दर्पण वृत्तसेवा – सोमवार, 22 ऑगस्ट रोजी सोन्या-चांदीच्या दरात घसरण नोंदवण्यात आली आहे. मल्टीकमोडिटी एक्सचेंज (MCX) वर व्यवहार सुरू झाल्यानंतर काही वेळातच दोन्ही मौल्यवान धातूंचे भाव घसरले. सकाळी 10.45 पर्यंत सोन्याचा भाव 162 रुपयांनी तर चांदीचा भाव 452 रुपयांनी घसरला होता. सोन्याचा भाव सध्या केवळ 52 हजार रुपयांच्या खाली आहे. 24 कॅरेट शुद्ध सोन्याची फ्युचर्स किंमत आज सलग पाचव्या सत्रात 0.31 टक्क्यांनी घसरून 51317 रुपये प्रति दहा ग्रॅमवर आली आहे. ही एका महिन्यातील नीचांकी पातळी आहे. याआधी सोन्याचा व्यवहार 51,409 रुपयांच्या पातळीवर सुरू होता, मात्र मागणीअभावी लवकरच भाव खाली आले.
चांदीची चमकही कमी झाली :-
सोमवारी चांदीच्या दरातही घसरण आहे. MCXवर चांदीचा भाव 452 रुपयांनी घसरून 55,044 रुपये प्रति किलो झाला आहे. तत्पूर्वी, चांदीचा व्यवहार 55,237 रुपयांच्या पातळीवर सुरू झाला. परंतु काही काळानंतर मागील बंद किमतीपेक्षा 0.81 टक्क्यांनी घसरून व्यापार सुरू केला.
जागतिक बाजार स्थिती :-
जागतिक बाजारातही आज सोने लाल चिन्हावर व्यवहार करत असले तरी चांदी मात्र तेजीत आहे. सोमवारी, अमेरिकन बाजारात सोन्याची स्पॉट किंमत $1,743.14 प्रति औंस होती, जी त्याच्या मागील बंद किंमतीपेक्षा 0.09 टक्के कमी आहे. चांदीची स्पॉट किंमत आज 0.16 टक्क्यांनी वाढून 19.03 डॉलर प्रति औंस झाली आहे.
पुढे काय होणार ? :-
जागतिक बाजारपेठेतील सोन्याच्या किमतीवर अमेरिकन बाजाराचा लक्षणीय परिणाम होतो. यूएसमध्ये, जुलैमधील महागाईचा डेटा दिलासा देणारा दिसत आहे, ज्यामुळे गुंतवणूकदार भविष्यात सोने खरेदी करतील अशी शक्यता आहे. कमोडिटी तज्ज्ञ अजय केडिया सांगतात की, वर्षअखेरीस सोन्याचा भाव 54 हजारांच्या पुढे जाईल, पण भू-राजकीय तणावामुळे सोन्याचा भाव 48 हजारांपर्यंत घसरेल.
