जळगाव: जिल्ह्यातील जामनेर तालुक्यात गोद्री येथे दिनांक 25 जानेवारी ते 30 जानेवारी 2023 दरम्यान अखिल भारतीय हिंदू गोरबंजारा लबाना व नायकडा समाज कुंभ होणार आहे. या कुंभासाठी सहपरिवार सहभागी होण्याचे आवाहन पोहरादेवी येथील श्री जितेंद्र महाराज यांनी केले.
गोद्री येथे होणारा कुंभ मेळावा संपूर्ण भारतातील गोरबंजारा व लवाना नायकडा समाजाच्या विकासासाठी व उत्थानासाठी होत आहे. त्यामुळे प्रत्येक समाज घटकाची उपस्थिती तेथे राहायला हवी. त्या ठिकाणी कृष्णलीला, संत सेवालाल महाराज जीवनचरित्र, संत रामराव महाराज जीवनचरित्र, तसेच बंजारा संस्कृतीचे दर्शन दाखवण्यात येईल.
कुंभामध्ये होणार समस्यांचे जागरण
गेल्या अनेक वर्षांपासून बंजारा समाज बांधवांना विविध आमिष दाखवून ख्रिश्चन मिशनऱ्यांकडून धर्मांतरित करण्यात येत आहे. तसेच महिला व तरुणींना लव जिहादच्या जाळ्यात फसवून अपहरण करण्यात येत आहे. या सर्व समस्यांचे जागरण या कुंभामध्ये होईल. त्यासाठी आपला सहभाग आवश्यक आहे. सर्वांनी यावे. असे आवाहन जितेंद्र महाराजांनी सर्व समाज बांधवांना केले आहे.
