जळगाव : अजितदादा लवकरच आमच्याकडे येणार आहेत. दादा आल्यानंतर महाविकास आघाडी सरकार पाडण्यासाठी किती बैठका झाल्या हे सांगू, असा खळबळजनक दावा पालकमंत्री गुलाबराव पाटील यांनी केला आहे.
महाविकास आघाडीच्या वज्रमूठ सभेत अजित पवार यांनी महाविकास आघाडी सरकार पाडण्यासाठी 150 हून जास्त बैठका झाल्याचं म्हटलं होतं. या विषयावर बोलताना पालकमंत्री गुलाबराव पाटील यांनी हा दावा केला आहे.
——-
खडसेंनी आपल्या विधानसभा क्षेत्रात पहावे
– गिरीश महाजन
जळगावमधील बाजार समिती निवडणुकीत महाविकास आघाडी विजयी झाली. या निकालावर राष्ट्रवादी काँग्रेसचे नेते एकनाथ खडसे यांनी हा खोके संस्कृतीविरोधातील विजय असल्याचं म्हणाले होते. या टीकेला भाजपाचे नेते गिरीश महाजन यांनी प्रत्युत्तर दिलं आहे. “दुध डेअरी आणि बॅंकेच्या निडवणुकीत आपली काय परिस्थिती झाली, याकडे एकनाथ खडसे यांनी लक्ष द्यावं. त्यांना आता आत्मपरीक्षण करण्याची गरज आहे. बाजार समितीचा निकालाची टिमकी वाजवण्यापेक्षा आपल्या विधानसभा क्षेत्रात नेमकी काय परिस्थिती आहे. ते एकदा बघावं”, अशी प्रतिक्रिया त्यांनी दिली.
