जळगाव : भरधाव वाहनाने दुचाकीला धडक दिल्याने एक ठार तर एक जण गंभीर जखमी झाल्याची घटना एरंडोल-म्हसावद रस्त्यावर उमर्दे गावाजवळील पुलावर घडली. या अपघातात संदीप खिमा जाधव (वय 22, खेडगावतांडा, ता.एरंडोल) या तरुणाचा मृत्यू झाला तर भाईदास संतोष राठोड हे गंभीर जखमी झाले आहे.
संदीप जाधव हा भाईदास राठोड यांच्यासह दुचाकी (एम.एच.41 बी.जी.4584) ने जात असताना भरधाव आयशर (डी.एन.09 एन.9890) ने जबर धडक दिल्याने संदीपचा मृत्यू ओढवला तर भाईदास राठोड हे गंभीर जखमी झाले तर दुचाकीचे या अपघातात मोठे नुकसान झाले. अपघात प्रकरणी सुनील ताराचंद राठोड (वय 23, खेडगाव तांडा, ता.एरंडोल) यांच्या फिर्यादीनुसार आयशर चालक महेंद्रसिंग प्रतापसिंग राजपूत (टोकारखेडा दादर नगर हवेली) याच्याविरोधात एरंडोल पोलिसात गुन्हा दाखल करण्यात आला. तपास नाईक महेंद्र पाटील करीत आहेत.
