Job Recruitment: असिस्टंट कमांडंट होण्याची संधी; जाणून घ्या आवश्यक पात्रता
नवी दिल्ली: केंद्रीय लोकसेवा आयोगाने केंद्रीय सशस्त्र पोलीस दलात असिस्टंट कमांडंटच्या 322 पदांसाठी अधिसूचना प्रसिद्ध केली आहे. ज्या उमेदवारांना CAPF AC च्या पदासाठी अर्ज करायचा आहे ते अधिकृत वेबसाइटला भेट देऊन फॉर्म भरू शकतात. इच्छुक उमेदवार UPSC च्या अधिकृत वेबसाइट upsc.gov.in वर अर्ज करू शकतात. शैक्षणिक पात्रता, परीक्षा शुल्क आणि सर्व तपशील अधिसूचनेत दिलेले आहेत.
केंद्रीय लोकसेवा आयोग दरवर्षी BSF, CISF, CRPF, ITBP, SSB सारख्या केंद्रीय सशस्त्र पोलीस दलांसह केंद्रीय सशस्त्र पोलिस दलांमध्ये सहाय्यक कमांडंट पदासाठी अर्ज मागवतो. यावर्षी एकूण 322 पदांसाठी अर्ज मागवण्यात आले आहेत. या पदांसाठी अर्ज करण्याची अंतिम तारीख 16 मे 2023 संध्याकाळी 6 वाजेपर्यंत आहे. इच्छुक उमेदवार ऑनलाइन अर्ज करू शकतात. या पदांसाठी किमान वयोमर्यादा 20 वर्षे आणि कमाल वयोमर्यादा 25 वर्षे आहे. त्याच वेळी, उमेदवारांना पदवीधर किंवा पदवी असणे आवश्यक आहे.
याप्रमाणे करा ऑनलाइन अर्ज
केंद्रीय सशस्त्र पोलीस दलाच्या अर्जाची फी 200 रुपये आहे. तथापि, महिला, एससी, एसटी प्रवर्गातील उमेदवारांना अर्ज शुल्कातून सूट देण्यात आली आहे. इच्छुक उमेदवार CAPF मध्ये अर्ज करण्यासाठी खालील स्टेप्स फॉलो करू शकतात.
– उमेदवारांनी प्रथम UPSC च्या अधिकृत वेबसाइट upsc.gov.in वर जा.
– UPSC च्या परीक्षांसाठी OTR’ वर जा आणि ऑनलाइन अर्ज लिंकवर क्लिक करा.
– नोंदणी फॉर्मचा भाग 1 भरा. अर्ज फी भरा आणि तुमची कागदपत्रे अपलोड करा.
– तुमचे परीक्षा केंद्र भरा आणि फॉर्म सबमिट करा.
– फॉर्म डाउनलोड करा आणि भविष्यातील संदर्भासाठी प्रिंट आउट घ्या.
शारीरीक पात्रता :
पुरुष : वजन किमान, 50 किलो, उंची किमान, 165 सेमी , छाती 81 सेंमी.
महिला : वजन 46 किलो, किमान उंची, 157 सेंमी.
अ) पुरुष : 16 सेकंदात 100 मीटर धावणे. 3 मिनिटे 45 सेकंदात 800 मीटर धावणे. उंच उडी 3.5 मीटर (3 प्रयत्न ). गोळा फेक (7.26 किलो) 4.5 मीटर
ब) महिला : 18 सेकंदात 100 मीटर धावणे. 4 मिनिट 45 सेकंदात 800 मीटर धावणे. उंच उडी 3 मीटर (3 प्रयत्न). यानंतर सर्वांची वैद्यकीय चाचणी घेण्यात येते.
मुलाखत / व्यक्तिमत्व चाचणी
यशस्वी उमेदवारांची 150 गुणांची मुलाखत घेण्यात येते. लेखी परीक्षा (450 गुण) व मुलाखत (150 गुण) यांची एकत्रित बेरीज करून मिळालेले गुण वर दिलेला प्राधान्यक्रम याप्रमाणे उमेदवारांची अंतिम निवड केली जाते.
