जळगाव : धानवड ग्रामपंचायत पोटनिवडणुकीत शिवसेना, भाजप व शिवसेना (उ.बा.ठा) गटाचे उमेदवार निलीमा रावसाहेब पाटील यांचा 244 मतांचे मताधिक्य मिळवून विजय झाला.
शिवसेनेचे उपजिल्हाप्रमुख तथा बाजार समितीचे माजी सभापती स्व.रावसाहेब माधराव पाटील यांचे निधनामुळे रिक्त झालेल्या धानवड ग्रामपंचायत पोटनिवडणुकीत रावसाहेब पाटील यांच्या पत्नी तथा युवासेना जिल्हा प्रमुख शिवराज पाटील यांच्या मातोश्री माजी महिला बालकल्याण सभापती जिल्हा परिषद जळगाव निलीमा रावसाहेब पाटील यांचा विजय झाला आहे. त्या युवा सेना तालुका सरचिटणीस अविनाश पाटील व भाजपा युवा मोर्चा तालुका अध्यक्ष भाऊसाहेब पाटील यांच्या काकू आहे. निलीमा रावसाहेब पाटील यांना 407 मत तर राष्ट्रवादी कॅांग्रेस पुरस्कृत तसेच राष्ट्रवादी कॅांग्रेस चे जिल्हा उपाध्यक्ष व कृ.उ.बा.समितीचे संचालक प्रा.पांडुरंग बाबुराव पाटील (राजु सर ) यांचा पाठींबा असलेले विरोधी उमेदवार समाधान पाटील यांना अवघी 163 मते मिळाली आहे.
