चाळीसगाव – ग्रामीण व शहरी भागातील गरीब कुटुंबांमध्ये आर्थिक सुबत्ता यावी यासाठी बचत गटाच्या माध्यमातून नारीशक्तीने गाव तांडा वस्ती पर्यंत आर्थिक साक्षरतेचा चंग बांधला आहे.आपल्या संसाराच्या रहाटगाडग्यातून अधिकाधिक वेळ काढून सर्व महिला शक्तीने एकमेकांना सोबत घेऊन मोठी क्रांती केली आहे. पंतप्रधान नरेंद्रजी मोदी यांनी या नारी शक्तीचा सन्मान व्हावा यासाठी नारीशक्ती वंदन अभियान राबविण्याची आव्हान केले होते.या अनुषंगाने स्त्री शक्तीचा सन्मान व्हावा यासाठी आज स्त्री शक्ती वंदन कार्यक्रमातून त्यांना हक्काचे व्यासपीठ उपलब्ध करून दिले असून आज शिवमय वातावरणात स्त्री शक्तीचा अभूतपूर्व जागर होत असल्याचा अभिमान आहे अशी भावना सौ. संपदाताई पाटील यांनी व्यक्त केली आहे.
आज भाजपच्या नारी शक्ती वंदन कार्यक्रमाअंतर्गत तसेच जागतिक महिला दिनाच्या निमित्ताने महाशिवरात्रीच्या पर्वावर खासदार उन्मेशदादा पाटील व उमंग सृष्टी परिवाराच्या संस्थापिका अध्यक्षा सौ.संपदाताई पाटील यांच्या माध्यमातून शिवस्तुती व शिवतांडव सामूहिक पठण, बचत गटातील महिलांचा स्त्री शक्ती सन्मान सोहळा चाळीसगाव येथे राष्ट्रीय विद्यालयाच्या प्रांगणात आयोजित करण्यात आला होता.
कार्यक्रमाला जय मल्हार मालिकेतील सुप्रसिद्ध अभिनेत्री सुरभी हांडे,योगाचार्य वसंतराव चंद्रात्रे, भाजप विधानसभा निवडणूक प्रमुख नगरसेवक घृष्णेश्वरतात्या पाटील, जिप सदस्या मंगलताई जाधव, नगरसेविका विजयाताई पवार,पंचायत समितीच्या सभापती स्मितल बोरसे,उपसभापती भाऊसाहेब पाटील, डॉ.अल्केश पाटील, ज्येष्ठ नाट्यकर्मी डॉ.सुनीता घाटे, पं.स. सदस्य दिनेशभाऊ बोरसे, रवीभाऊ चौधरी, वनपरिक्षेत्र अधिकारी शितल नगराळे, आरोग्य अधिकारी डॉ.निकिता नगराळे, रिल्सस्टार मयुरीताई पाटील, भाजपा तालुका सरचिटणीस जितेंद्र वाघ, गिरीश ब-हाटे, किसान मोर्चाचे देवेंद्र पाटील, दिव्याग तालुकाध्यक्ष पुंडलिक पाटील, उमेद क्लस्टर समन्वयीका रेखाताई महाले, निलेश पाटील, सतीश बिल्लारे, गोपाळ शिवरकर, संतोष तेलंगे, राज महाजन, वाल्मीक महाले आदी मान्यवर उपस्थित होते.
सुरुवातीला मान्यवरांच्या हस्ते भारत माता, मा जिजाऊ व क्रांतीज्योती सावित्रीबाई फुले यांच्या प्रतिमेचे पूजन करण्यात आले.
यानंतर तालुक्यातील उमेद अभियान अंतर्गत सीआरपी, एफ आय सी आर पी, पशु सखी, बँक सखी, कृषी सखी, सी टी सी वर्धीनीताई, ग्रामसंघ पदाधिकारी, प्रभाग संघ पदाधिकारी महिला भगिनींचा सन्मानचिन्ह देऊन गौरव करण्यात आला.
समाजातील खऱ्या नायिकांना भेटल्याचा आनंद..
अभिनेत्री सुरभी हांडे यांनी उमेद सखींशी साधला खुला संवाद
याप्रसंगी जय मल्हार मालिकेतील सुप्रसिद्ध अभिनेत्री सुरभी हांडे यांनी उमेद अभियानातील सखींशी खुला संवाद साधला.त्या म्हणाल्या मी पडद्यावरची नायिका असले तरी मला गाव तांडा वस्ती मध्ये जावून माता भगिनिंना आर्थिक सक्षम करणाऱ्या खऱ्या नायिकांना भेटल्याचा आनंद आहे.ही संधी उपलब्ध करून दिल्याबद्दल खासदार उन्मेशदादा आणि संपदाताई पाटील यांचे आभार मानते अशी भावना त्यांनी व्यक्त केली.
महिलांच्या उत्साहाला उधाण
यावेळी उमंग सृष्टी परिवाराच्या शिवकन्यांनी शिवतांडव नृत्य सादर करत कार्यक्रमात रंगत आली. हजारो महिलांनी एकासुरात शिवस्तुती पठण केल्याने वातावरण भावनिक झाले होते. गौरक्षा वाद्यवृंदाने सुरेल गीते सादर केली.त्यावर महिलांनी वेळोवेळी ठेका धरत या खुल्या व्यासपीठाचा आनंद घेतला.यावेळी उमंग सृष्टी परिवाराच्या अध्यक्षा साधनाताई पाटील, सिमरन मंदांनी,मायादिदी शर्मा, वैशाली पाटील, अर्चना चौधरी, सुवर्णाताई राजपूत, मेनका जंगम,महानंदा पटलकर, कविता पाटील, प्रतिभा पाटील, माधुरी वाघ,वर्षा शेंडे, ज्योती बडगुजर, मनीषा शेजवळकर, आरस्ता माळतकर, विजया पाटील, उज्वला अमृतकर, अर्चना निकुंभ उपस्थीत होत्या. ज्येष्ठ रंगकर्मी डॉ. सुनीता घाटे यांनी मनोगत व्यक्त केले. यशस्वीतेसाठी युवा कार्यकर्ते, भाजप पदाधिकारी यांनी परिश्रम घेतले. कार्यक्रमाचे सूत्रसंचालन वसुंधरा लांडगे मॅडम व अर्जुन परदेशी यांनी तर आभार माजी पं.स.सदस्य दिनेश बोरसे यांनी व्यक्त केले.
