(जळगाव राजमुद्रा वृत्तसेवा) नगरसेविकेच्या नावाचा बनावट शिक्का तयार करून आधार कार्ड अपडेट करणाऱ्या दोघांना नगरसेवक प्रशांत नाईक यांनी शहर पोलिसांच्या ताब्यात दिले आहे. त्यांची चौकशी सुरू आहे.
प्राप्त माहितीनुसार, महिला नगरसेविकेच्या नावाने बनावट स्टॅम्प तयार करून सेतू कार्यालयात आधार कार्ड अपडेशन करण्यात येत असल्याची माहिती नगरसेवक प्रशांत नाईक यांना मिळाली होती. त्यांनी या संपूर्ण प्रकरणाची खात्री करून आज हे काम करणाऱ्या सेतूच्या दोन कर्मचाऱ्यांना शहर पोलिसांच्या ताब्यात दिले आहे. पोलिसांनी या दोन्ही कर्मचाऱ्यांची कसून चौकशी सुरू केली असून यानंतर गुन्हा नोंदविण्यात येणार असल्याची माहिती पोलिसांनी दिली.
