राजमुद्रा : संसदेचे हिवाळी अधिवेशन सुरू असून आज या अधिवेशनाचा तिसरा दिवस आहे.. या अधिवेशनावेळी कर्नाटकातील वायनाड या मतदार संघातील पोटनिवडणुकीत विजयी झालेल्या काँग्रेस नेत्या प्रियंका गांधी वाड्रा यांनी लोकसभेत खासदार म्हणून शपथ घेतली आहे.. यावेळी त्यांनी संविधानाची प्रत हातात घेतली. तसेच नांदेड लोकसभा मतदार संघात झालेल्या पोटनिवडणुकीत विजयी झालेले रवींद्र वसंतराव चव्हाण यांनीही आपल्या खासदारकीची शपथ घेतली आहे.
विधानसभा निवडणूक 2024 च्या बरोबरच वयनाड लोकसभा मतदारसंघाची ही पोटनिवडणूक घेण्यात आली.. या नांदेडच्या लोकसभा मतदारसंघात प्रियंका गांधी यांचा विजय झाला.वायनाड लोकसभा मतदार संघात प्रियंका गांधी वाड्रा यांनी सीपीआयच्या सत्यन मोकेरी यांचा 4 लाख 10 हजार मतांनी पराभव केला. या मतदार संघात भाजपाच्या नव्या हरिदास या देखील मैदानात होत्या. मात्र त्यांना केवळ 1 लाख 9 हजार मतं मिळाल्यानं त्यांना तिसऱ्या स्थानावर समाधान मानावं लागलं. प्रियांका वाड्रा यांना राहुल गांधी यांचा विक्रम मोडता आला नाही.
या मतदारसंघात लोकसभेतील काँग्रेसचे विजयी उमेदवार वसंतराव चव्हाण यांचं निधन झालं. त्यामुळे नांदेड लोकसभा मतदार संघात पोटनिवडणूक झाली. या निवडणुकीत काँग्रेसचे उमेदवार रवींद्र चव्हाण यांनी बाजी मारली. अटीतटीच्या झालेल्या लढतीत रवींद्र चव्हाण यांनी भाजपा उमेदवार डॉ संतुक हंबर्डे यांचा पराभव केला.
संसदेचं हिवाळी अधिवेशन 2024 सुरू असून विरोधकांनी गौतम अदानी यांचं कथित लाच प्रकरण आणि ईव्हीएम मशीनवरुन सभागृहात एल्गार पुकारला आहे. आजही संसदेत विरोधक जोरदार राडा करण्याची शक्यता आहे..
