(जळगाव राजमुद्रा वृत्तसेवा) कुंभार समाजाचे आराध्य संत गोरोबाकाका यांच्या जयंती निमित्तानं जळगाव शहर शिंपी समाज अध्यक्ष राजेंद्र सोनवणे तसेच अ. भा. शिंपी समाज संस्थेचे संचालक विवेक जगताप यांनी संत गोरोबाकाका यांच्या प्रतिमेला माल्यार्पण करून अभिवादन केले.
बारा बलूतेदार महासंघाच्या संकल्पनेतून यापुढे सर्व बारा बलूतेदार समाजाच्या आद्य संतांच्या पुण्य स्मरण तथा जन्मदिनी सर्व बारा समाजाचे प्रतिनिधी त्या त्या तिथीला त्या समाजात जाऊन संतांना अभिवादन करणार आहेत.
त्या प्रमाणे बारा बलूतेदार महासंघाचे जिल्हा अध्यक्ष तसेच नाभीक समाजाचे किशोर सूर्यवंशी, परीट समाजाचे ईश्वर मोरे, कुंभार समाजाचे चंद्रशेखर कापडे, सखाराम मोरे, नगरसेवक पृथ्वीराज सोनवणे, बलुतेदार महासंघाचे विभागीय अध्यक्ष मुकुंदराव मेटकर आदी मान्यवरांनी पिंप्राळा येथे कुंभार वाड्यात जाऊन संतांना अभिवादन केले.
