जळगाव राजमुद्रा वृत्तसेवा । जळगाव येथील ग.स. सहकारी सोसायटीच्या सार्वत्रिक निवडणूकीचा कार्यक्रम जाहीर करण्यात आला आहे. दि. १८ नोव्हेंबरपासून प्रत्यक्ष निवडणूक प्रक्रियेला सुरवात होणार आहे. दि. २१ डिसेंबर रोजी मतदान होणार असल्याचे राज्य सहकारी निवडणूक प्राधिकरणाने जाहीर केले आहे.
जिल्ह्यातील सरकारी कर्मचारी नोकरांची सहकारी पतपेढी अर्थात ग.स.सहकारी सोसायटीचा मतदार यादी व निवडणूकीचा कार्यक्रम राज्य सहकारी निवडणूक प्राधिकरणाने जाहीर केला आहे.
नामनिर्देशन पत्र विक्री व स्वीकृती – दि. १८ नोव्हेंबर ते २५ नोव्हेंबर, छाननी दि. २६ नोव्हेंबर, वैध नामनिर्देशन पत्र यादी प्रसिध्द करणे दि. २९ नोव्हेंबर, उमेदवारी अर्ज माघार- दि. २९ नोव्हेंबर ते १३ डिसेंबर, अंतीम उमेदवारांची यादी प्रसिध्दी दि. १४ डिसेंबर, प्रत्यक्ष मतदान दि. २१ डिसेंबर, मतमोजणी दि. २३ डिसेंबर, पदाधिकारी निवड दि. ३१ डिसेंबर.
तसेच जिल्ह्यातील १२ कृषी उत्पन्न बाजार समित्यांच्या निवडणुका ह्या दि. २३ ऑक्टोबर पासून पुढील तीन महिन्यात घेण्याचे आदेश सहकार विभागाने दिले आहे.
