नागपूर राजमुद्रा दर्पण । माजी गृहमंत्री अनिल देशमुख यांना मुंबईत अंमलबजावणी संचालनालयानं (ईडीनं) अटक केल्यानंतर त्यांच्या अडचणींत आणखी वाढ होताना दिसते. आता ईडीकडून अनिल देशमुख यांचा मुलगा ऋषिकेश देशमुख यांना समन्स पाठविण्यात आलं आहे. ऋषिकेश देशमुख ईडी कार्यालयात हजर राहणार का? याकडे सर्वांचं लक्ष लागलेल आहे .
अनिल देशमुख यांची मेडिकल चाचणी झाली. त्यानंतर दुपारी दोन वाजता ते बाहेर आल्याची माहिती त्यांचे वकील इंदरपाल सिंह यांनी माध्यमांना दिली. देशमुख यांची चौकशी संपल्यानंतर क्लोजर स्टेटमेंट घेण्यात आलं. तिथं काय घडलं हा तपासाचा भाग असल्यानं ते उघड करू शकत नसल्याचं सिंह म्हणाले. संबंधितांना बोलावून समोरासमोर विचारणा केली जाऊ शकते. माजी गृहमंत्री अनिल देशमुख यांना सहा नोव्हेंबरपर्यंत अंमलबजावणी संचालनालयानं (ईडी) कोठडी सुनावलीय. त्यामुळं त्यांच्या नागपुरातील सिव्हील लाईन्स येथील निवासस्थानी कुणीही घरी फक्त काम करणारे कर्मचारी होते. देशमुख यांच्या कुटुंबातील एकही सदस्य येथे उपस्थित नव्हते.
ईडी कोठडीत असताना त्यांना घरचे अन्न तसेच औषध घेता येणाराय. न्यायालयात देशमुखांची बाजू मांडण्यासाठी त्यांच्या वकिलांना परवानगी देण्यात आली आहे. मुंबईचे माजी पोलीस आयुक्त परमबीर सिंग यांनी देशमुख यांच्यावर खंडणी वसुलीचे आरोप लावले होते. या प्रकरणी ही अटक करण्यात आली.
