पुणे राजमुद्रा दर्पण। पंधरा वर्षीय अल्पवयीन मुलगी कुणालाही न सांगता घरातून निघून गेली होती. मुलगी घरी नसल्याचे लक्षात येताच कुटुंबीयांनी शोधाशोध करण्यास सुरुवात केली. मुलीचा शोध सुरु असतानाच मुलीच्या भावाच्या मोबाईलवरती मेसेज आला. या मेसेजमध्ये ‘पाच लाख रुपये, नाहीतर तिचे जीवाचे काही खरे नाही” असे लिहण्यात आले होते. सर्वात महत्त्वाचे म्हणजे हा मेसेज मुलीच्या मोबाईलवरून आला होता.
मेसेज पाहताच मुलीच्या आईने शिक्रापूर पोलिसात धाव घेऊन तक्रार दाखल केली. तसेच घडलेली सर्व माहिती पोलिसांना सांगितली. तक्रार दाखल झाल्यानंतर पोलिसांनी तांत्रिक विश्लेषणाद्वारे तपास करण्यास सुरुवात केली. ज्या मोबाईलवरून मेसेज आला होता. त्या नंबरवरून लोकेशनचा तपासत असताना संबंधित मुलगी पुणे ते छापरा या रेल्वेने जात असल्याची माहीती मिळाली. याचा माहितीच्या आधारे पोलिसांनी अधिक वेगाने चक्रे हालवली , त्यासाठी बिहार राज्यातील छापरा रेल्वे पोलिसांची मदार घेण्यात आली. त्यानंतर छापरा रेल्वे पोलिसांना मुलीला ताब्यात घेण्यास सांगितले. शिक्रमापूर पोलिसांनी मुलीला आपाल्या ताब्यात घेतले. मुलीकड चौकशी केली असता धक्कादायक माहिती समोर आली. मोबाईलवरून पाच लाख खंडणीचा मेसेज स्वतः मुलीन पाठवला असल्याचं सांगितलं. इतकंच नव्हे तर खंडणीचा बनावही तिनेच रचल्याची माहिती दिली.
मुलीन हे सगळं का केलं याच उत्तर मात्र आद्यपही समोर आलेले नाही. चौकशीनंतर पोलिसांनी मुलीला कुटुंबियांच्या ताब्यात देण्यात आले आहे.या प्रकरणाची तपासणी पोलीस अधीक्षक डॉ. अभिनव देशमुख,अप्पर पोलीस अधीक्षक मिलींद मोहीत, उपविभागीय पोलीस अधिकारी राहुल धस यांचे मार्गदर्शनाखाली पोलीस निरीक्षक हेमंत शेडगे शिक्रापूर पोलीस स्टेशन यांचेसह पोलीस उपनिरीक्षक अमोल खटावकर,पोलीस नाईक विकास पाटील, पो.ना. किरण निकम यांने केली आहे.
