जळगाव राजमुद्रा दर्पण । शहरात सोन्याचे दर काही प्रमाणात कमी झाले होते. मात्र आज पुन्हा एकदा सोन्याच्या किमतीमध्ये तेजी दिसून आली. गुरुवार दि.१८ रोजी सोने-चांदीचे दरात पुन्हा वाढ झाली आहे. सोन्याचे दर २६० रुपयांनी तर चांदीच्या दरात ४०० रुपयांनी वाढ झाली आहे. आता लग्नाचा काळ सुरु झाला असून सोन्या चांदीला मोट्या प्रमाणात मागणी राहील. त्यामुळे सोने-चांदीच्या भावात पुन्हा वाढ झालेली दिसून येत आहे. दि.१६ नोव्हेंबर रोजी सोने २० रुपयांनी तर चांदी ६०० रूपयांनी कमी झाली होती. त्यानंतर दि.१७ रोजी सोन्याचे दर २६० रुपयांनी तर चांदीचे दर ३३० रुपयांनी घसरले होते. त्यामुळे सोने प्रति १० ग्रॅमसाठी ५०,१९० रुपयांवर तर चांदीचे दर प्रति किलोसाठी ६७,७९० रुपयांवर पोहोचले होते. गुरुवारी सोने-चांदीच्या दरात पुन्हा वाढ झाली. सोन्याच्या दरात प्रति १० ग्रॅमसाठी २६० रुपयांनी तर चांदीचे दर ४०० रुपयांनी वाढले आहेत. त्यामुळे सोने प्रति ग्रॅमसाठी ५०,४५० रुपयांवर तर चांदी ६८,१९० रुपयांवर पोहोचले आहेत.
दि.८ नोव्हेंबर रोजी चांदीचे दर २२० रुपयांनी, ९ नोव्हेंबर ५६० रुपयांनी वाढले होते. त्यानंतर १० नोव्हेंबर रोजी ३२० रुपयांनी चांदीचे दर घसरले होते. दि.११ नोव्हेंबर रोजी १,३४०, १२ नोव्हेंबर रोजी १,११०, १५ नोव्हेंबर रोजी १९० रुपयांनी चांदीचे दर वाढले होते. त्यामुळे चांदी ६८,७२० रुपयांवर पोहोचली होती. त्यानंतर दि.१६ व १७ नोव्हेंबर रोजी चांदीच्या दरात ६०० व ३३० रुपयांनी घसरण झाल्याने चांदी प्रति किलोसाठी ६७,७९० रुपयांवर पोहोचली. दरम्यान, चांदीच्या दरात गुरुवारी पुन्हा ४०० रुपयांनी वाढ झाल्याने चांदी ६८,१९० रुपयांवर पोहोचली आहे.
