मुंबई राजमुद्रा दर्पण | भाजपाला चारही राज्यात मिळालेल्या यशानंतर महाराष्ट्रभरात भाजपाचे जंगी सेलिब्रेन सुरू आहे. राज्यात पंतप्रधान नरेंद्र मोदींना मानणारा मोठा गट असून त्यांच्याकडून देखील मिळालेल्या यशाचं हे सेलिब्रेशन महाराष्ट्रात सुरू आहे या पार्श्वभूमीवर आज भाजपचे सर्वच आमदार विधिमंडळाच्या पाय थाऱ्यावर जमुन विजय उत्सव साजरा करताना दिसून आले यावेळी भाजपच्या सर्व आमदार तसेच नेत्यांमध्ये उत्साहपूर्ण जल्लोष साजरा करण्यात आला आहे. यावेळी विधिमंडळ सुरु होण्या पूर्वी महा विकास आघाडीच्या नेत्यांसोबत भाजप नेते पेढा भरवताना दिसून आले आहे. भाजपच्या यशामध्ये यावेळी राजकीय साखर भरत महाविकास आघाडीच्या नेत्यांना देखील पेढा भाजपच्या नेत्यांकडून भरवण्यात आला.
भाजपा नेते आमदार गिरीश महाजन हेदेखील या विजय उत्सवामध्ये सहभागी झाले होते. यावेळी विधिमंडळाच्या प्रवेशद्वारावर महाविकास आघाडीच्या नेत्यांना पेढा भरवताना ते दिसून आले. यावेळी राज्याचे पाणीपुरवठा मंत्री व स्वच्छता मंत्री तसेच जळगाव जिल्ह्याचे पालकमंत्री गुलाबराव पाटील यांना देखील या… या.. गुलाबराव.. पेढा खा.. असे उच्चारत भाजपच्या विजयाचा राजकीय पेढा महाजनांनी गुलाबराव यांना भरवताना दिसून आले, त्याच पाठोपाठ समाजवादी पार्टीचे नेते आ. अब्बू आझमी यांना देखील गिरीश महाजन यांनी पेढा भरवला आहे.
एक ते दिड – तास चाललेल्या या विजय उत्सवा मध्ये माध्यम प्रतिनिधी देखील विजय उत्सव आपल्या कॅमेऱ्यात कैद केला. भाजप ला चार राज्यात मिळालेल्या यशानंतर सर्वदूर भाजप मय करण्याचा निर्धार भाजपाच्या नेत्यांनी केला आहे महाराष्ट्रात देखील काही दिवसात ऑपरेशन लोटस राबविण्यात येणार असल्याचे सूत्रांकडून सांगण्यात येत आहे या सर्व घडामोडींमध्ये राज्याचे विरोधी पक्षनेते देवेंद्र फडणवीस हे महत्त्वाचा रोल पार पाडतील. तसेच विरोधकांना देखील विजयाचा पेढा भरणारे भाजपाचे संकट मोचन आ. गिरीश महाजन भाजपाला सत्तेत आणण्यात काय भूमिका निभावतात याकडे देखील आता लक्ष लागून आहे.
